Sól, sumar og strandblak í Svíþjóð
July 23, 2024
Erasmus verkefni Unglingaráðs Fjörheima
Dagana 8.-14. júlí sl. tóku meðlimir Unglingaráðs Fjörheima þátt í ungmennaskiptum í Svíþjóð á vegum Erasmus+. Hópurinn tók þátt í hinum ýmsu verkefnum, vinnustofum og afþreyingu í vikunni með sænskum ungmennum frá Linköping. Leikir, íþróttir, þrautir og hópvinna var meðal annars á dagskrá. Þá heimsótti hópurinn meðal annars félagsmiðstöðvar UngPuls, The Swedish Airforce Museum, kirkju, bókasafn, sundlaug og almenningsgarða. Ungmennin voru einstaklega heppin með veður og náðu að sóla sig í geislunum frá þeirri gulu flesta dagana þrátt fyrir rigningu inn á milli.
Markmiðið með ungmennaskiptunum var að auka vitund ungmenna á Norðurlöndunum á unglingalýðræði og kynnast nýjum menningarheimum. Það má segja að markmiðinu hafi verið náð og gott betur en það en í lok ferðarinnar ígrundaði hópurinn saman liðna viku og lærðu allir eitthvað nýtt. Þetta höfðu ungmennin að segja eftir vikuna:
„Ég lærði að búa til efni fyrir samfélagsmiðla, eignaðist nýja vini og kynntist sænskri menningu“
„Ég er með meiri félagsfærni en áður, þessi ferð breytti svo miklu fyrir mig og ég er sjálfsöruggari“
„I learned to get to know other people that have a different backgrounds and to see that people also lives that are different the life you know in your country. This project opens up opportunities for us to travel and make some decisions that will define our lives for the rest of our lives. This is something that we are lucky to experience and something I'm grateful for.“
Meðlimir Unglingaráðs vilja þakka Erasmus fyrir tækifærið og UngPuls fyrir að taka á móti okkur.
Félagsmiðstöðvastarfið í Reykjanesbæ hefur tekið skemmtilegum og tímamóta breytingum. Hingað til hafa allir grunnskólar bæjarins deilt einni félagsmiðstöð á Hafnargötu 88 en nú hefur starfið verið eflt með því að opna félagsmiðstöðvar í hverfum bæjarins og færa þannig þjónustuna nær börnunum og unglingunum sjálfum. Í dag starfa fjórar félagsmiðstöðvar undir merkjum Fjörheima: Fjörheimar Akur í Akurskóla Fjörheimar Stapi í Stapaskóla Fjörheimar Háaleiti í Háaleitisskóla Fjörheimar Hafnó á Hafnargötu 88
Með þessu fyrirkomulagi geta unglingar tekið þátt í starfi í sinni hverfisfélagsmiðstöð, en jafnframt eru allar félagsmiðstöðvar Fjörheima opnar öllum. Hver félagsmiðstöð er með tvær opnanir í viku fyrir 8.-10.bekk ásamt öðrum hverjum föstudegi, einnig er opið fyrir 5.-7.bekk tvo daga í viku ásamt séropnun fyrir 7.bekk einu sinni í viku. Nánari upplýsingar um hverja félagsmiðstöð fyrir sig má finna hér fyir neðan. Markmiðið er að félagsmiðstöðin sé áfram öruggur og jákvæður vettvangur þar sem börn og ungmenni geta hist, tekið þátt í skapandi og fjölbreyttu starfi og byggt upp vináttu og tengsl. Við hvetjum öll til að taka þátt í starfinu okkar, hvort sem það er í sinni hverfisfélagsmiðstöð eða annars staðar og við hlökkum til að taka á móti ykkur 💛
Nú erum við komin í sumarfrí og þökkum ykkur fyrir frábæran vetur! Við hlökkum til að sjá ykkur aftur eftir sumarfrí. Starfsemi Vinnuskóla Reykjanesbæjar er starfandi í húsinu í sumar, ásamt smiðjum fyrir ungmenni í samstarfi við vinnuskólann. Einnig bjóðum við upp á Listanámskeið í sumar :)
Í næstu viku eru hinsegin dagar í Fjörheimum en það voru ungmenni í hinsegin klúbb Fjörheima sem tóku þátt í að skipuleggja þessa glæsilegu dagskrá! 🙌🏼🏳️🌈 Hlökkum til að sjá ykkur! 🫶🏻
