Félagsmiðstöðvastarf Fjörheima byggir á hugmyndafræði unglingalýðræðis sem felur í sér áhrif ungmenna á starfið. Unglingaráð Fjörheima er valið í byrjun hvers skólaárs og starfar allan veturinn. Í ráðinu sitja fulltrúar frá hverjum skóla í Reykjanesbæ. Tekið er við umsóknum í ráðið í byrjun hvers skólaárs.

Meginmarkmið unglingaráðs Fjörheima er að koma saman og skipuleggja viðburði á vegum félagsmiðstöðvarinnar Fjörheima. Unglingaráð Fjörheima kemur einnig að dagskrárgerð og skipulagi klúbbastarfs.

​

Unglingaráð Fjörheima gefur meðlimum tækifæri til þess að kynnast ungmennum úr öðrum grunnskólum í Reykjanesbæ. Ráðið skapar vettvang fyrir ungmenni til að auka félags- og samskiptafærni, læra að bera ábyrgð og hafa frumkvæði. Starfsmenn eru þeim ávallt til taks sem leiðbeinendur eða aðstoðarmenn. Einnig fá meðlimir frítt á alla sérstaka viðburði Fjörheima.

​

Megináherslur í starfi Unglingaráðs Fjörheima eru skemmtanagildi, lýðræði, virkni, forvarnir og aukið sjálfstraust. Lögð er áhersla á það að ungmennin hafi gaman að því að vera í ráðinu ásamt því að styrkja jákvæða sjálfsmynd og stuðla að heilbrigðum lífsstíl ungmenna.

​

Ætlast er til að meðlimir séu til fyrirmyndar og neyti þar af leiðandi ekki tóbaks eða vímuefna, mæti á 4 viðburði hjá Fjörheimum í hverjum mánuði og á alla fundi Unglingaráðsins. Meðlimir Unglingaráðsins eru tengiliðir Fjörheima í hverjum skóla og því er æskilegt að þau að kynni sér starfið til að geta svarað spurningum bekkjarfélaga sinna.