Landsmót Samfés
October 21, 2024
Helgina 4.-6. október fór stjórn Unglingaráðs Fjörheima á Landsmót Samfés ásamt tveimur starfsmönnum. Á Landsmótinu bauð Linda, formaður Unglingaráðsins, sig fram í ungmennaráð Samfés og var kosin í ráðið! Á Landsmótinu voru fjölmargar smiðjur í boði fyrir þátttakendur og starfsmenn Fjörheima, þær Helena og Svala Rún, voru með hugleiðslu og núvitundarsmiðju. Það var svo haldið ball á laugardagskvöldinu og var mikið fjör þar. Á sunnudeginum var Landsþing Ungs Fólks, en þar ræddu ungmennin um mikilvæg málefni sem varða ungt fólk. Helgin var virkilega skemmtileg og áhugaverð!
View more
Við opnum aftur þriðjudaginn 7.apríl, vonum að þið hafið það gott í fríinu!
Söngkeppni Kragans verður haldin í Hljómahöll þann 6.mars. Kraginn samanstendur af Reykjanesbæ, Suðurnesjabæ, Vogum, Grindavík, Seltjarnarnesi, Garðabæ og Mosfellsbæ. Þau sem taka þátt í keppninni geta unnið sér inn sæti í söngkeppni Samfés sem er haldin í maí ár hvert. Skráning fer fram í öllum okkar félagsmiðstöðvum eða í gegnum QR kóða hér fyrir ofan. Skráningarfrestur er til 27.febrúar!
Hafnó er nú með nýja opnunartíma fyrir miðstigið! Við bjóðum nemendur á miðstigi velkomna í Hafnó á Hafnargötu 88, þar sem þau geta hist, haft gaman og tekið þátt í fjölbreyttri og skemmtilegri starfsemi í öruggu og notalegu umhverfi. Í Hafnó er lögð áhersla á góða stemningu, vináttu, virðingu og virkni og starfsemin mótast af áhuga og hugmyndum þátttakendanna sjálfra.
