Veittu Minningarsjóði Ölla 400.000 króna styrk

Updated: May 22

Unglingaráð Fjörheima safnaði 400.000 króna styrk sem var afhendur til Minningasjóðs Ölla. Þann 4. mars hélt Unglingaráðið góðgerðartónleika í Hljómahöll og ákváðu meðlimir ráðsins að allur ágóði tónleikanna myndi renna til sjóðsins. Vegna Covid-19 þurfti að fresta afhendingu styrksins en vegna afléttingar samkomubanns var styrkurinn afhendur nú í maí. Þær Þórdís Kara og Hulda María tóku við styrknum fyrir hönd sjóðsins.


Minningasjóður Ölla styrkir börn til íþróttaiðkunnar sem ekki eiga kost á því vegna bágrar fjárhagsstöðu foreldra eða umsjónarmanna. Sjóðurinn var stofnaður til minningar körfuboltaleiksmannsins Örlygs Arons Sturlusonar sem átti bjarta framtíð í íþróttinni. Ölli hóf feril sinn með meistaraflokki Njarðvíkur árið 1997, aðeins 16 ára gamall og varð lykilmaður í liðinu sem varð Íslandsmeistari árið 1998.



Unglingaráðið vil þakka öllum þeim sem komu að tónleikunum á einn eða annan hátt. Auk þess viljum við benda á að þeir sem vilja leggja málefninu lið geta lagt inn á reikning sjóðsins 0322-26-021585, kt. 461113-1090.




0 views

Sími: 421-8890/ 891-9101 | Netfang: fjorheimar@reykjanesbaer.is

Hafnargata 88, 230 Reykjanesbæ