Fjörheimar voru stofnaðir 26. nóvember árið 1983. Fjörheimar voru fyrst til húsa að Hjallavegi í Njarðvík. Árið 2008 fluttu Fjörheimar á Ásbrú en hófu starfsemi í núverandi húsnæði, við Hafnargötu 88, árið 2011.

Í Fjörheimum er boðið börnum og ungmennum Reykjanesbæjar á aldrinum 10-16 ára að nýta frítíma sinn á uppbyggilegan hátt í öruggu umhverfi. 

Sértækt hópastarf, opið starf, og tímabundin verkefni eru vikulegir dagskrárliðir í félagsmiðstöðinni. Markmið starfsins er að tryggja gjaldfrjálsa virkni fyrir ungmenni bæjarins með jákvæðni, sköpun og forvarnir að leiðarljósi. Virk þátttaka í félagsmiðstöðvastarfi eykur sjálfsöryggi sem og  félags- og samskiptafærni. Í Fjörheimum er lögð áhersla á unglingalýðræði og óformlegt nám þar sem hugmyndir barna og ungmenna skipta máli. Starfsmenn styðja við ungmenni og aðstoða þau við að láta hugmyndir þeirra verða að veruleika.

Nánari upplýsingar um opnunartíma Fjörheima má finna hér

​

​

​